sun – الصفحة 6

اعرف قيمة ال معاك

كتير مننا ميعرفش قيمة ال معاه الا بعد مايخسره ابن مكنش عارف قيمة والديه الا لما راحوا وزوج معرفش قيمة زوجته الا لما تركها وامثلة كثيرة فى حياتنا

يبقى فى ايدينا كنز ونستهون بيه واول مايضيع مننا نبقى فى حسرة وهم نفس قصة هحكيها لكم

شركة بتنقب على الاحجار الكريمة راح المهندسين والعمال وبيشتغلوا ليل نهار ايام وشهور ومفيش نتائج مهندس منهم خرج يتمشى وهو ماشى قابل طفل شايل حجر فى ايده قال له جبت الحجر ده منين قال له لقيته على شاطئ البحر المهندس قال له انا اشتريه منك الولد فرح والمهندس اشترى الحجر وبسرعة وصل لغرفته وفضل يبحث فى الحجر مفاجاه كبيرة طلع حجر غالى الثمن جدا لايقدر بملايين

سبحان الله كان فى ايد الطفل ملايين وميعرفش قيمتهم بس ده لانه طفل فاكيد مش هيعرف قيمه الحجر

لكن انت بقى دورت جواك وحوليك كام حجر كريم عايش معاك

احجار كريمة كتير لما بنفقدها بنعيش على حسرة فراقها

والله انا اول واحد ابى عندى كان هو عمرى وحياتى طيبته وحنيته ياه كل مافتكر اد ايه عمره مازعل من اى حد حتى لو واحد عمل فيه شر كان بيفرح لما يجى له الخير اب عمره مافرق بين اولاده زرع فيهم حبهم لبعض اكتر من حبهم لاى شيئ فى الدنيا كانت حياته حب فى الله ومهما كنت بحبه واقدره فى حياته كان قليل عليه لما جه يوم فراقه اتفاجات اد ايه بيحبوه كانكان اب لناس كتير اوى اوى ناس كتير جدا شوفت الحزن جواها وبيقولووالدنا راح والله ناس كتير جدا عمرى ماعرفها ياه على كميه الحب ال زرعتها واله مش قادر اوصف اد ايه وحشتنى ودعمك لنا وخوفك علينا مش قادر اوصف لك اد ايه انت تركت ناس كتير يحبونا بسبب محبتهم ليك

فعلا احجار كريمة

اللهم ارحمه وارحم اموات المسلمين

طريق النجاح

الناجح ناجح والفاشل فاشل

ماهى الحكاية فكرة طول مانت بتفكر انك ناجح هتنجح ولو فضلت تقول لنفسك يافاشل هتفشل

ذى الفيلم بتضايقك كلمة يافاشل طيب يا فاشل يافاشل …….الخ

خد بالك ان عقلك الباطن بياخد من تفكيرك يعنى لو روحت مكان وانت خايف قبل ماتروح عقلك الباطن هيصور لك افلام رعب ويعرضها عليك تبقى رايح مدينة ملاهى للمتعة وانت مرعوب تلاقى نفسك عايش فى بيت رعب ماهو ال بيخاف من العفريت بيطلع له

يبفى نبعد الخوف والفشل ونحط جوانا النجاح والقوة والهمة والعزيمة

لما تلاقيك فى وقت جت لك فكرة وحشة او خوف او هم حاول باى طريقة تبعد عنها

عارف لما يبقى عندك صداع جامد ومش قادر ورن التليفون طلعت خطيبتك او حبيبة او شخص بتحبه

هتلاقى نفسك انشغلت فى الكلام معاه نسيت الصداع والهم عارف ايه السبب لان كنت الاول مركز مع الوجع فعمال يزيد لما ركزت فى غيره راح

يبقى حياتنا برضه هى كدا ركز دايما فى الاحسن وابعد فى تركيزك عن الاسوء

هتلاقى الامور كلها لخطى امامية فى طريقة حياتك

يعنى كل مانلاقى جوانا حقد على حد مثلا على طول فكر فى حد تانى بترتاح اليه

حد اساء لك اساء كبيرة وانت نفسك تنتقم دور وقتها على شخص تانى بيتمنى لك الخير وبيساعدك للاحسن

ماهو ده كلامنا الناجح ناجح يعنى كلمتين دوروا على بعض

والفاشل فاشل لانهم بيضيعوا بعض

مجرد تفكيرك فى اى حقد او كراهية لشخص بيعود عليك انت بالسلب

دور على الخير واجرى وراه واسعى للنجاح واوعى الفشل يخليك تفكر فيه

ندعوكم للزيارة هنا

خطوات النجاح السبعة وتحقيق هدفك

تعالوا نتكلم عن سبعة نقاط بيسببوا النجاح

اولا الروحانيات

وهى الايمان بالله عزو وجل وان تكون روحك صافيه من كل الخبائث عندك روح بتحب الخير وتتمناه للكل ماهو الانسان القريب من ربه بينزل عليه سكينة فى القلب ومن حبه ربه حبب فيه الناس احنا عايشين فى دنيا عمرنا ماكنا فيها لوحدنا لازم نحب الخير نلاقى الخير

ثانيا الصحة

الصحة تاج على رؤوس الاصحاء كما قال رسول الله شيئان مخبون فيهما الانسان الصحة والفراغ حافظ على نفسك هيكون عندك الطاقة لتحقيق ماتريد فصحتك مهمة

ثالثة الثقة بالنفس

ماهو لازم تثق بنفسك لان هتطلب من الغير اذاى يثقوا فيك لو كنت انت جواك ضعيف الشخصية

رابعا العائلة

العائلة هى اساسنا الاب والام الاخ والاخوات القرايب هم دول الكنز بحبهم لينا ووقفهم جنبنا وفرحهم بفرحنا ومساندتهم فى همنا من غيرهم نحن لاشيئ

خامسا الاجتماعيات

لازم نكون ودودين اجتماعين ونبعد عن عزلتنا وناسس علاقات ناجحة مع الجميع

سادسا المهنة

وظيفتك مهنتك شغلك هو اساس لاطمئنانك وهو البداية لنجاحك فكر فيه طور نفسك

سابعا المادة

المادة شيئ مهم وهى اوقات كبير بتعوق الانسان لانه ينجح فلابد من السعى وراء تحقيق دخل نتوازن مع احتياجاتى حتى لااصاب بالهم ثم اضيق ثم ثم ..

دور على النجاح فيهم كلهم ووازن حياتك شوف نقاط الخلل وعالجها هتلاقى كل نقطة بتوصل لل بعدها لو حلينا الخلل يبقى ماشيين صح

ندعوكم هنا

زهقان من صديقك ضع نفسك مكانه

زهقان من صديقك ضع نفسك مكانه

ندعوكم للزيارة هنا

لعبة حلوة تيجى نلعبها

ماهو فيه واحد زهقان من الدنيا ومافيها ابوه مزهقه رايح فين وجاى منين اتاخرت ليه خرجت مع مين عمال يراقبوا الولد حاسس انه فى سجن زهق طهق وده اتسبب ان فشل فى دراسته ومشى مع اصحاب السوء نصيبه علموه التدخين الخوف بقى شوية شوية تجر لسكة تانية

طيب ماتيجى بقى يازهقان وطهقان نبدل الكراسى

نتشرف بدعوتكم هنا

من جواك تكون صادق فى ال هطلبه منك مثل بالظبط دور ابوك فى الحياه وكان اخوك اوختك الاصغر هم ولادك لقيت اخوك الصغير فاشل مثلا وانت بتشتغل وتشقى نفسك يكون احسن الناس او اختك مستهترة ولها صاحبات مش تمام وابتدى بقى مثل دور الاب شوف بالظبط هيكون ايه تعاملك معاهم وهنا سال نفسك هو ابويا بيخاف على والا بيحبسنى

الحكاية هنا عمرها ماخلصت

لازم الاب كمان يبدل الكراسى

ويسال نفسه انا ولد فاشل وسلوكى وحش هو لو والدى كلمنى بالطريقة كذا كان يبقى احسن ولو لم يحرجنى امام الغير وكان صديق لى كان بقى احسن

هو ده الصح كل ماتقبلنا مشكلة لازم نغير الكراسى اوعى فى يوم تفكر تظلم وانت جواك عارف انك ظالم الا لما تحط نفسك مكان المظلوم واوعى تتجبر

فالايام دول

من هو مثلك الاعلى

من هو مثلك الاعلى

ندعوكم للزيارة هنا

لقد كان لكم فى رسول الله أسوة حسنة صدق الله العظيم

فعلا شخصيتنا بتتبنى من مثلنا تلاقى الولد بيشف ابوه مثله الاعلى والا خاله او عمه والنت صغيرة تبقى نفسها تبقى ذى مامتها او عمتها بعدين نروح المدرسة ننبهر بمدرس او مدرسة نتمنى يكونو هم مثلنا الاعلى ونبقى يوم ذيهم شوية تانية فى التلفزيون ممثل او لاعب كرة او عالم كل انسان بيدور على مثلع الاعلى يتمنى يكون يوم مكانه وده شيئ جميل لو كان مثلى انسان ايجابى

وفى الاول والاخر هتلاقى مثل جميل هو الرسول الكريم مثل اعلى لكل المسلمين فى الايمان وحسن الخلق والصبر على البلاء وحبه الذى ابكاه على اناس امنوابرسالته دون ان يروه

طيب طالما بقى كلنا لنا مثل اعلى ايه رايك

فكر فى مشكله معاك انت فيها وشوف نفسك فى المرايا

بعدين حط فى تخيلك مثلك الاعلى وكانك هو وفكر فى المشكلة هتلاقى نفسك لما تشوف نفسك فى المرايا اتغيرت للاحسن لانك ارتديت قناع شخص ناجح ماهو مش معقول مثلك افشل

يبقى الحل هو ده دايما تدور على مثل ناجح ولما تصادفك مشكله حلها بطريقته هتلاقيها اتحلت ماهو كل عقدة ولها حلال وضاقت واستحكمت حلقاتها فظننت الا تفرج ولكن الفرج من عند الله

مش بيقول فى الفيلم سهولتها فى صعوبتها دور على الحل هتلاقيه سهل

تعلم من اخطاء الماضى

تعلم من اخطاء الماضى

نتشرف بزيارتكم هنا

سؤال غريب وعجيب هو نقدر نغير الماضى اكيد لا لكن تصدقو بقى ممكن نغير وجهة نظرنا فيه ونتعلم منه كمان يعنى ارجع فى مواقف كدا مريت بيها هتلاقى نفسك بتقول لا كان احسن اذا كنت اتصرفت بشكل تانى

يبقى معنى كدا انت اتعلمت من الماضى وكان لازم يجى وتمر بيه

يبقى ايه رايكم تفكر كدا ولانغضب من مامضى ناخد منه دروس وتساعدنا للامام ونبتدى كل ميصادفنا شيئ يبقى اتعلمنا ماهو مش لازم ندور على السواد لازم ننظر للجميل والجميل اننا بنتعلم وهنفضل نتعلم لحد مانموت ويموت المعلم ولايتعلم

كل التجارب حلوة او مرة لازم تكون بالظبط عاملة ذى كتب قريناها كلها وكل مانقرا كتاب نقف عليه ونرتفع ونقرا ال بعدا فنرتفع اكثر وهكذا

كلها خطوات حتى الفشل خطوة لبداية النجاح فشلنا كتير وكتير طيب مانتعلم ونشوف فين الغلط ونجرى بقى ورا النجاح بسرعة يالا بينا ماهو ال راح راح

كن ايجابيا وليس سلبيا

كن ايجابيا وليس سلبيا

ندعوكم للزيارة هنا

فكرا كدامن وقت الطفولة لحد سن 18 سنة كام رسالة سلبية حد قالها لك

منهم ال اتقال له يافاشل والا انت عصبى والا عمرك ماهتنفع والا والا ……

كلها سايل سلبية سمعتها من ماهم حولك واوقات كتير جدا بتترسخ جوانا لدرجة انها تهز ثقتنا بنفسنا

نسينا اننا افضل مخلوقات الله عز وجل ربنا وهبنا نعم كثيرة جدا اولها العقل والتمييز

فكر دايما فى نفسك ان انت من افضل مخلوقات الارض وحول الرسايل السلبية لتحدى ولنجاح لو كان شخص قال لك انت فاشل اتحدى بقدرتك وانجح وقول لنفسك ال قال لى يافاشل هثبت له ان ممكن يكون هو الفاشل انما انا عمرى ماهاخد الرسالة واحفظها فى عقلى الباطن وتبقى هى برمجتى لانى مش سلبى بستقبل فقط انا شخص ممكن يعدل ملفات ورسايل جوايا

ووقت ماتلاقى نفسك جالس عمال تفكر فى كمية الرسايل السلبية ال سمعتها بسرعة هات قلم واكتب كل ميزة ايجابية عندك وشوف عدهها هتلاقيها كتير كل يوم التزم باحسن مافيك وخليه يهزم اى رسالة سلبية امحى الوحش بالحلو . اكد لمخك انك كل رسالة سلبية دخلت فى برمجة عقلك خطأ والصح هو كل شيئ جميل عندك

قول لنفسك كدا يعنى مش شخص قال لى انا فاشل طيب انا بقى هحقق هدفى هوجده واشتغل عليه لحد ماوصله

هتلاقى نفسك يوم من الايام بتضحك جواك كل ماتفتكر الرسالة السلبية لانك هزمتها ماهو انت الاقوى

الرغبة فى النجاح

الرغبة فى النجاح

نتشرف بزيارتكم هنا

خد بالك ده مش اسم فيلم

الرغبه دى شيئ جوانا مرسوم فى عقولنا ايه رايكم نخلى حلمنا رغبة مشتعلة جوانا

حكيم يابانى قال وصلت لمكانتى لانى كنت بشعل الرغبة جوايا طول الوقت

تفكير ورغبة مشتعلة جوايا انى اكتب واقرا افكر واتعلم ادرس رغبة كل ماتيجى تنطفى اشعلها من جديد

رغبات كتير لمشهورين حققوا احلامهم منهم هيليرى ادمون فضل يشعل جوة نفسة رغبة انه يكون اول واحد يتسلق جبل افرست اعلى جبل فى العالم جربها اول مرة سنه 1952 انصاب كتير وانجرح ودخل المستشفى

بعدها عملوا له مؤمتمر صحفى يكرموه اتفاجئو بيه حاطط صورة امامه لجبل افرست وبينظر له وبقبضة يده مثل اى ملاكم شهير بيقول لجبل افرست انت هزمتنى اول مرة لكنى انا ال ههزمك

ماهو انسان بالتحدى بيشعل رغبته ووعد نفسه من جواه انه لابد ان ينتصر ومش هيستسلم للهزيمة

وفى تانى سنة 1953 صعد فعلا اعلى جبل وانتصر بعدها ضحك وقال الشيئ الوحيد ال كان هيبعدنى عن انتصارى هو الموت وامثلة كتيرة من الناجحين كانت عندهم احلام كبيرة وفى الاول فكرة فضلوا يشعلوا رغبتهم ويحاولوا مرة والتانية يفشلوا بعدين ينجحوا لحد ماكان نجاحهم سببه اشعال رغبتهم

اصل اشعال الرغبه ده عامل ذى كان شيئ بيمشى جوة العروق بيخليك تنسى الوجع والخوف والهم ويبقى هدفك هو الوصول للنجاح فقط

ايه رايكم بقى تيجى بينا نشعل الرغبة جوانا ماتيجى نحلم لنفسنا بيوم جديد مشرق كله نجاح وامل نفكر فيه فى هدف ونبتدى كل يوم نشعل رغبتنا دى جوانا وكل مانلاقلى الامل هينطفى نشعله من جديد

علشان نوصل لبر الامان والاطمئنن ندور جوانا على ماحسن مافينا ونشعل رغبتنا فيه

قاعد ليه ساكت وبتفكر ابتدى خلى الفكرة حقيقة اشعل نار غيرة النجاح جواك

هم ال نجحوا كانو احسن منك فيه ربنا خلقنا كلنا بنفس الحواس حواسى هو حواسهم وقدرتى فى الاخر هتوصلنى

اعتمد على الله عز وجل وابتدى

تحمل المسئولية لتصل لهدفك

خد بالك دور حواليك فكر كويس هتلاقى كل الاجحين اساسا اتحملوا المسئولية انما ناس تانية تلاقيهم عندهم لامبالاه ولا ادنى مسئوليه كانه عدم وعدم تحمل المسئولية بيخلى حاجات سلبية كتير كمان تكبر جوة الانسان ده منها قلة النخوة ومنها الاستهتار ومنها موت القلب

امراض كتيرة سببها الاول لان مكنش فيه مسئوليه

طفلة صغيرة اسمها نورما مرضت وهى طقلة اتسبب مرضها فى شلل نصفى

امها سالتها حلمك ايه قالت لامها نفسى اكون اسرع واحدة فى العالم الكلام ده مش نكتة لا حقيقة وهى عندها 13 سنه دربت نفسها على المشى ماهى متحملة من جواها مسئولية وهو تحقيق حلمها

امها شافت فيها اصرارها دعمتها وساعدتها قدمت لها فى الفريق الرياضى فى المدرسة وكمان فى رياضة الجرى والبنت التزمت بكل التعليمات من المدرب وكل يوم بتشعل نار حلمها جواها

ولان المدرب فرحان بيها اشركها فى مسابقات علشسان تكتسب خبرة

واشتراك فى مسابقة ورا اشتراك كسبت خبرات وتدريب وعندها العزيمة

لحد فى سنة 1960 فازت البنت بسباق 100 متر و 200 متر و300 متر وفعلا بقت اسرع امراه فى العالم

سالوها وصلتى اذاى كدا مع اصابتك بالشلل

قالت اولا اتوكلت على الله لان بدون التوكل على الله لن انجح

وحبى الكبير لامى قلت جوايا لازم تفتخر بى

وحلمى كبرته جوايا واشعلته واستمريت وكنت براه وهو بيكبر

وقررت قرار لا رجعة فيه انى هحقق حلمى فقررت فوصلت

والاهم انى تحملت المسئولية لم اقل مين المسئول على حالتى ولا لعنت الظروف ولا فكرت فى اى شيئ غير هدفى ونجاحى يعنى فعلا المسئولية فكن مسئول

ماتيجى نقول هننجح ونبعد عن حياتنا كلمة حظنا وحش والظروف وحشة ونتحمل بقى المسئولية

تنمية الذات

هو ايه انمى ذاتى دى النمو ياتى من ان الرعاية ارعى نبتتك هتكبر وتطرح ثمارا

الذات هى كدا ماهو تنمية الذات مش علم بنتعلمه ده معناه رقى وسمو بالذات المعنى فيه اسلوب حياه

بالظبط لو لاحظنا اعلان موظف كبير جدا ومرموق لكن ايده مرتعشة فى قرارته وبيوقف حال ناس كتير

كان سببه عدم ثقته بنفسه وخوفه الدائم فياريت نبتدى ننمى ذاتنا نسم مستقبلنا نقرا كتير فى كل ماهو مفيد

نسمع دروس وخبرات علماء بدل مايكون قدوتنا الاسطورة والا عبده موتة ندور ونشوف حاجات تنمى ذاتنا وترفع من معنوياتنا نروح دورات فى المهنة ال بنحبها نطور من نفسنا نحضر برامج تدريب

ماهو اساس النجاح جوة ذاتك انت اوعى تفكر فى يوم من الايام هتلاقى الحل فى مسابقة برامج بتقول فين الفرق بين صورة صافينار الاولى والتانية فهيكسبوك المليون

مكسبك جوة ذاتك دور جواها هتلاقى الحل اتعلم واتدرب واشتغل ونفذ واصبر واستمر

ماهو اى حلم فى الاول بيكون حلم لكن والله تقدر تحول الحلم لحقيقة من جواك انت