همومك كثيرة قسمها تلاقيها بسيطة
يعنى ايه بقى نقسمها انا هقولك
تلاقى واحد يقول لك انا فاشل قلقان متوتر على طول وبخاف من اى حاجة خايف من بكرة وبنسى بسرعة
يعنى يحكى لك تلاقى الدنيا بقت سودا والله فعلا كنت اعرف شخص كدا كل ماقابله يقولى الدنيا زفت احاول اغير الموضوع اقوله اخبار والدك يقول والله تعبان على طول قبل ماكمل وانقل يقولى مامته الضغط ماسكها اخوه بقى الرجل ال شغال معاه نصب عليه فى الفلوس وجارهم المقرب فى مشاكل مع اهله يعن تخاف تساله عن ريحة المسك يقولك المصنع ولع نوع كبير جدا من التشاؤم
طيب ماتيجى نقسمها علشان تتحل نمسك شيئ واحد بس منهم
مثلا انا فاشل ونسال نفسنا ليه
قسمها هتلاقى علشان مثلا مفيش هدف او فكرت فى هدف ومش بكمله معرفتش فين الغلط وصلحته
ادينا كمان قسمنا الفشل اوله الهدف طيب مانعصر نفسنا فى فكرة هدف لنا نشوف حد ذينا حقق هدف ونعمله قدوة لنا يبقى لازم احط هدف معين والتزم بيه
بعد كدا بقى التزم وادرسه واسعى ان انجح للوصول اليه واشوف غلطى الاول فين وبالجهد والصبر التزم
اتخيل بقى ان عندى هدف وابتديت فيه وبحققه وبنجح النجاح جميل
معقول لقيت نفسى الزهق راح والملل ضاع ومش خايف من بكرة لانى بديت اول خطوة
طيب تصدق بقى انك هتلاقى ان والدك ممكن باذن الله مرضه كمان شفى منه ماهو تلاقيه كان مرضان بسبب حسرته على ابنه
والا مامتك والله ارتاحت والضغط تمام ماهو انت ال كنت مركبها العصبى
جارك بقى ياريت تقول له على الوصفة قول له قسمها تحلها واوعى تنسى تقول له ماهو ال بيحب الخير لغير اكيد الخير بيجيله
ندعوكم هنا
sun 