كلام ستات
قاعدة كدا مع نفسى بعد العشا اتفاجات ان مدام الهام جارتى جاية تزورنى رحبت بيها ولقتها كدا مهمومة
بقولها مالك قالت لى قرفانة ومضايقة زعلانة اوى على زعل بنتى اصل بنتها فى الثانوية العامية عقبال عيالكم
قت لها فضفضى طيب فيه ايه قالت لى هو انتى مش متابعة سرقة امتحانات وتسريب امتحانات احنا فىهم بنخلف علشان نفرح بعيالنا نلاقيهم فى طاحونة واحنا فى طاحونة من اكل وشرب ولبس وادوية هى نااقصة كمان يعيدو امتحانات علشان اتسربت طيب احنا بنعرف لما حرامى بيسرق هو ال بيتحاسب ليه يشيلونا الشيلة احنا وولادنا يعيدو المادة يعنى دروس تانى وفلوس تانى جوزى بيشتغل ذى العجل فى ساقية وانا شاايلة ذى الحمارة ال تعبت من كتر الشيل داخل علينا العيد قلت افرحهم اروح اجيب شكولانة قلت حاجة على ادنا كدا طلع اقل كيلو ب 40 جنيه طيب نخليه نص كيلو بقى ونص سودانى اصله هو كمان ب 24 جنيه اهو منظر كدا لو حد زارنا
بنتى بقى علشان متعلمة فى الثانوية قالت متزعليش ياما قدميم للضيوف وانا هكتب ورقة ممنوع الاقتراب او التصوير ولو حد علق قولى لهم بنتى بتحب الضحك ماهو من همنا عمالين نضحك حتى العيد ال هنفرح فيه بنضحك على نفسنا فيه
متزعلوش بقى طولت عليكم ومشيت الست الهام من عندى بعد ماشربت شاى من غير شاى
ميه بس اصلها لما طلبت الشاى جبت لها ميه قالت ده اى قلت لها اصل بنحب نضحك
عمالين نضحك
ابقوا شرفونا هنا
sun 